O’zbekistonda xalq hunarmandchilik turlari
Oʻzbekistonning barcha hududlarida xalq san’atining o’ziga xos markazlari bo’lib, ular jahon madaniyatiga buyuk badiiy qadriyatlari bilan hissa qo’shgan. Bu qadriyatlar haqli ravishda xalq san’atining ramzi bo’lib qoldi. Samarqand, Buxoro, Toshkent, Farg’ona vodiysi, Xorazm va Qoraqalpog’istonda yuzaga kelgan kulolchilik (sirkor va guldor sopol buyumlar), yog’och va ganch o’ymakorligi, naqshinkor bezak va kandakorlik, kashtachilik, gilamdo’zlik, sholchado’zlik va…
Oʻzbekistonning barcha hududlarida xalq san’atining o’ziga xos markazlari bo’lib, ular jahon madaniyatiga buyuk badiiy qadriyatlari bilan hissa qo’shgan. Bu qadriyatlar haqli ravishda xalq san’atining ramzi bo’lib qoldi. Samarqand, Buxoro, Toshkent, Farg’ona vodiysi, Xorazm va Qoraqalpog’istonda yuzaga kelgan kulolchilik (sirkor va guldor sopol buyumlar), yog’och va ganch o’ymakorligi, naqshinkor bezak va kandakorlik, kashtachilik, gilamdo’zlik, sholchado’zlik va chitgarlik, zargarlik san’ati, charmga bezak tushirish san’ati, lokli miniatyura hamda kitob miniatyurasi hozir ham mavjud.
Zangori-lojuvard, choʻgʻdek qip-qizil sopol koʻzalar, laganlar, yogʻochdan o’ymakori va naqshinkori qilib yasalgan milliy xontaxtalar, qo’lda to’qilgan gilamlar, miniatyuralar, marg’ilonlik, xivalik va Toshkentlik ustalar tomonidan qizil misdan yoki tillarang jezdan yasalgan, qimmatbaho metalldek yarqirab, shaklan nafisligi hamda naqshinkorligi bilan ajralib turuvchi buyumlar va ayniqsa, kandakori idishlar mehmon bo’lib kelgan xorijiy davlatlar boshliqlariga tortiq qilingan.
Mustaqil O’zbekiston jadal sur’atlar bilan rivojlanib borayotgan bir davrda ajdodlarimiz tomonidan ko’p asrlar mobaynida yaratilgan g’oyat ulkan, bebaho ma’naviy va madaniy merosimiz, milliy qadriyatlarimizni tiklash davlat siyosatining muhim yo’nalishlaridan biriga aylandi. Natijada xalqimiz o’z taqdirining chinakam egasi, o’z tarixining ijodkori, o’ziga xos milliy qadriyatlar va madaniyat sohibiga aylandi.
Recommended Articles
-
Farg‘ona viloyatning eng chekka qishlog‘ida gilamchilik o‘quv mashg‘ulotlar o‘tkazilmoqda
4 years ago1821 views -
Muhiddin Raximov tavvaludining 120 yilligiga bag‘ishlangan ko‘rgazmasi boshlandi
6 months ago225 views -
Urganch shahrida hunarmandchilik mahsulotlari ko’rgazmasini tashkil etilshdi
1 year ago284 views
