Hunarmand uyushmasi > Yangiliklar > Yangiliklar > “Xabaringiz bor, biz xalqimiz bilan maslahat qilib, Yangi O‘zbekistonni barpo etish bo‘yicha keng qamrovli islohotlarni boshladik

“Xabaringiz bor, biz xalqimiz bilan maslahat qilib, Yangi O‘zbekistonni barpo etish bo‘yicha keng qamrovli islohotlarni boshladik

Prezident Shavkat Mirziyoyev: “Xabaringiz bor, biz xalqimiz bilan maslahat qilib, Yangi O‘zbekistonni barpo etish bo‘yicha keng qamrovli islohotlarni boshladik. Eng muhimi, o‘tgan 6 yil mobaynida butun jamiyatimiz qayta uyg‘ondi, odamlarimiz yangicha fikrlash, ishlash va yashashga intilmoqda. Bugun mana shu demokratik yangilanish jarayonlariga yangicha ruh va shiddat berish, islohotlarimizni yanada chuqurlashtirish zarurligini barchamiz yaxshi anglab turibmiz….

Prezident Shavkat Mirziyoyev:

“Xabaringiz bor, biz xalqimiz bilan maslahat qilib, Yangi O‘zbekistonni barpo etish bo‘yicha keng qamrovli islohotlarni boshladik.

Eng muhimi, o‘tgan 6 yil mobaynida butun jamiyatimiz qayta uyg‘ondi, odamlarimiz yangicha fikrlash, ishlash va yashashga intilmoqda.

Bugun mana shu demokratik yangilanish jarayonlariga yangicha ruh va shiddat berish, islohotlarimizni yanada chuqurlashtirish zarurligini barchamiz yaxshi anglab turibmiz.

So‘nggi yillarda fuqarolarimiz tomonidan amaldagi Konstitusiyani yanada takomillashtirish bo‘yicha ko‘plab taklif va mulohazalar bildirilmoqda. 

Xususan, o‘tgan yili Prezident saylovoldi uchrashuvlarida saylovchilar tomonidan Asosiy qonunimizni bugungi hayot talablariga mos holda yangilash masalasi ko‘tarilgan edi.

Saylovchilarimizning shu boradagi xohish va istaklarini amalga oshirish uchun Oliy Majlis palatalari tomonidan Konstitusiyaviy komissiya tuzilib, faoliyat boshladi. Qisqa davrda Konstitusiyaga o‘zgartish va qo‘shimchalar kiritish bo‘yicha salmoqli ishlar amalga oshirildi”.

Author: Uyushma axborot xizmati