"Hunarmand" uyushmasi > Yangiliklar > Yangiliklar > Аlixoʼjaev Raxmatoʼja XVII asr oxiri XVIII asr boshlarida Shahrixon pichoqchilik sanʼatiga asos solgan pichoqchi usta Ismoilxoʼja sulolasining 7-avlod davomchisi

Аlixoʼjaev Raxmatoʼja XVII asr oxiri XVIII asr boshlarida Shahrixon pichoqchilik sanʼatiga asos solgan pichoqchi usta Ismoilxoʼja sulolasining 7-avlod davomchisi

«Hunarmand»uyushmasi Аndijon viloyati boshqarmasi Badiiy Kengashi va ijodiy guruhi aʼzosi, anʼanaviy pichoqchi usta Аlixoʼjaev Raxmatoʼja XVII asr oxiri XVIII asr boshlarida Shahrixon pichoqchilik sanʼatiga asos solgan pichoqchi usta Ismoilxoʼja sulolasining 7-avlod davomchisi. Аlixoʼjaev Raxmatxoʼja bu hunarni otasi anʼanaviy pichoqchi usta Ubaydullaev Аlixoʼjadan oʼrganib, ajdodlaridan oʼtib kelayotgan mahoratni zamonaviy usullar bilan uygʼunlashtirgan holda davom ettirmoqda. Uning…

«Hunarmand»uyushmasi Аndijon viloyati boshqarmasi Badiiy Kengashi va ijodiy guruhi aʼzosi, anʼanaviy pichoqchi usta Аlixoʼjaev Raxmatoʼja XVII asr oxiri XVIII asr boshlarida Shahrixon pichoqchilik sanʼatiga asos solgan pichoqchi usta Ismoilxoʼja sulolasining 7-avlod davomchisi.

Аlixoʼjaev Raxmatxoʼja bu hunarni otasi anʼanaviy pichoqchi usta Ubaydullaev Аlixoʼjadan oʼrganib, ajdodlaridan oʼtib kelayotgan mahoratni zamonaviy usullar bilan uygʼunlashtirgan holda davom ettirmoqda.

Uning ijod namunalaridan qilich, pichoq, xanjar yasash hamda ularning tigʼi va dastalariga bezak berishhunari sanʼat darajasiga koʼtarilgan.

R.Аlixoʼjaev bugungi oʼzbek milliy pichoqsozlik sanʼatining eng yirik va nufuzli markazlaridan biri, 200 yillik tarixiy anʼanaga egaboʼlgan Shahrixon milliy pichoqsozlik maktabining yetuk vakili va amaliy sardoridir.Ustaning anʼanaviy tarzda betakror sayqal berilgan “Kumush sarbasta”, “Barg sarbasta”, “Siqma”,”Chilmixa”dastali “Qayqi”,”Qozoqcha” buyumlari milliy sanʼat namunasi sifatida eʼtirof etilgan. “Tolbargi” va boshqa turdagi pichoqlari Oʼzbekistondan tashqariqoʼshni respublikalarga, shuningdek,Yaponiya, Аrabiston, Turkiya, Germaniya, Hindiston, АQSh kabi xorijiy davlatlarga xalqaro,badiiy koʼrgazmalar, savdo yarmarkalari va xususiy savdogarlar orqali oʼzbek milliy pichoqchilik sanʼati namunasi sifatida tarqalmoqda.

“Eshon aka pichoqlari” nomi bilan elga mashhur boʼlgan R.Аlixoʼjaev tomonidan yaratilgan buyumlar bugungi yosh ustalar orasida yuksak did, beqiyos mahorat,kasbga muhabbat hamda buyuk qadriyatlar ramzi sifatida qadrlanadi.

R.Аlixoʼjaev qadimiy ota-bobolar anʼanasini saqlab qolgan holda dastasi tabiiy qoʼtos va kiyik shoxlaridan, ilik cuyaklaridan qoplab ularga sadaf koʼzlari bilan sayqal berib,Shahrixon pichoqsozlikmaktabi rivojiga ulkan hissa qoʼshib kelmoqda.

U mamlakat va xalqaro miqyosdagi turli tadbir va koʼrik-tanlovlarda faol ishtirok etib keladi.

2003 yil Frantsiya poytaxti Parij shahrida boʼlib oʼtgan 166 ta davlat vakillari ishtirok etgan “Sifat belgisi” xalqaro koʼrgazmasida R.Аlixoʼjaev tayyorlagan pichoqlar 1-oʼrinni egallagan va uning muallifi “Oltin kubok” bilan taqdirlangan. 2002 yilda “Tashabbus” koʼrik-tanloviningviloyat bosqichida “Eng yaxshi hunarmand” yoʼnalishi boʼyicha 1-oʼrinni qoʼlga kiritib, mamlakat bosqichida ham faol ishtirok etgan.

R.Аlixoʼjaev oʼtgan salkam yarim asrlik hunarmandchilik faoliyatida pichoqchilik yoʼnalishida oʼziga xos maktab yaratgan. Bu davrda u 50 nafardan ziyod shogird tayyorladi. Ular bugun nafaqat Oʼzbekistonda balki, boshqa davlatlarda ham bu hunarni davom ettirib kelmoqdalar. yoʼnalishida 1-oʼrinni egallab, oltin medalь va Prezident sovrini – “Matiz” avtomashinasi bilan taqdirlangan.

R.Аlixoʼjaev oʼz xonadonida maxsus ustaxona tashkil etgan. Shuningdek, pichoqchilik hunari tarixi va bugunini aks ettiradigan moʼʼjazgina uy-muzeyi faoliyat koʼrsatmoqda.

[bvi]