Suyak o’ymakorligi
Suyak o‘ymakorligi— o‘ymakorlik turi; suyakni o‘yib naqsh, tasvir ishlash, kesib va yo‘nib haykalcha, buyumlar tayyorlash san’ati. Asosiy xom ashyo suyak (mamont va morj tishi, fil, mol suyagi va shoxi, ot va boshqa hayvonlarning suyagi). Kerakli hajmdagi suyak bo‘lagi tanlab olinadi, ortiqcha qismlari arralab olib tashlanadi, g‘adirbudur joylari egovda tekislanadi. Suyakka gul chizib, asboblar (parma, arracha,…
Suyak o‘ymakorligi— o‘ymakorlik turi; suyakni o‘yib naqsh, tasvir ishlash, kesib va yo‘nib haykalcha, buyumlar tayyorlash san’ati. Asosiy xom ashyo suyak (mamont va morj tishi, fil, mol suyagi va shoxi, ot va boshqa hayvonlarning suyagi). Kerakli hajmdagi suyak bo‘lagi tanlab olinadi, ortiqcha qismlari arralab olib tashlanadi, g‘adirbudur joylari egovda tekislanadi. Suyakka gul chizib, asboblar (parma, arracha, egov va b.) yordamida o‘yib naqshlar hosil qilinadi hamda jilolanadi. Suyak o‘ymakorligi qadimdan yirik hayvonlar yashagan hududlarda ma’lum bo‘lgan. Hindiston, Okeaniya, Afrika, Rossiyaning shimolida taraqqiy etgan;
O‘rta Osiyo hududida geografik sharoitga ko‘ra Suyak o‘ymakorligi rivojlanmagan. Xalq amaliy bezak san’ati turlaridan — pichoqchilikda hamda mayda shaklli buyumlar (tugmacha va b.) tayyorlashda Suyak o‘ymakorligi qo‘llaniladi. 20-asrning 60 yillaridan Suyak o‘ymakorligi O‘zbekiston amaliy bezak san’atida bir qadar rivojlandi. Jumladan, xalq ustasi Ortiq Fayzullayev sa’y harakati tufayli Suyak o‘ymakorligida badiiy asarlar — «Cho‘pon», «Lazgi o‘yini», «Kurant», «Navoiy» va boshqalar yaratildi.
Recommended Articles
-
Metalldan san’at asari yaratayotgan sulola
1 year ago281 views -
Toshkent davlat iqtisodiyot universitetida xalqaro ilmiy-amaliy konferensiya bölib ötdi
11 months ago248 views -
“Peshonaband”- ayollar bosh kiyimi.
2 years ago578 views -
Milliy qo‘g‘irchoqlar – milliy qadriyatlar ko‘zgusi
7 months ago321 views
