O‘zbekiston Respublikasida hunarmandchilik sohasida 2024-2025 yillar uchun belgilangan istiqbolli vazifalarni amalga oshirish Yo‘l xaritasiga asosan jundan hunarmandchilik mahsulotlarini ishlab chiqarish orqali hunarmandlarning bandligini ta’minlash maqsadida
O‘zbekiston Respublikasi “Hunarmand” uyushmasi tashabbusi bilan Farg‘ona, Sirdaryo, Jizzax, Qashqadaryo hamda Surxondaryo viloyatlarida jundan hunarmandchilik mahsulotlarini ishlab chiqarish bilan shug‘ullanib kelayotgan hunarmandlarga urchuq ip yigirish dastgohi berilishi belgilangan edi.
Bugun Uyushmaning Sirdaryo viloyati boshqarmasida viloyatda faoliyat ko‘rsatib kelayotgan 5 nafar hunarmandlarga zamonaviy ip yigirish dastgohlari taqdim etildi.
Hunarmandlar ko‘rsatilayotgan ushbu e’tibor va rag‘bat uchun o‘z minnatdorchiliklarini bildirdilar.