Kuni kecha qoraqalpog‘iztonlik hunarmandlar orasida xushxabar yoyildi. O‘zbekiston Respublikasi Prezidenti Shavkat Mirziyoyevning «8-mart – Xalqaro xotin-qizlar kuni munosabati bilan mukofotlash to‘g‘risida»gi Farmoniga asosan hunarmand B.Kunnazarova “Do‘stlik” ordeniga munosib deb topildi.
Bibisara Kunnazarova qora uy (o‘tov)ning bezaklarini ishlash bo‘yicha mohir usta. Shu bilan bir qatorda avloddan-avlodga meros bo‘lib o‘tib kelayotgan oq, qizil basqurlarni to‘qishda mehnat qilib kelmoqda.
“Hunarli cho‘qqiga bo‘y cho‘zadi” shiori ostida ish olib boradi. Uning asosiy maqsadi mahalliy aholini hunarmandchilikka jalb etish, ularning farovonligini oshirishga ta’sir etadigan haqiqiy imkoniyat yaratib berishdir.
San’atshunoslar, san’at bilimdonlari va san’at ixlosmandlari uning mahsulotlarida milliy o‘ziga xos xususiyati hamda sifatini belgilab, uning gilam to‘qishda uning naqshlarni bilishi, ishlash uslubi, ularni foydalanish shartlari, an’anaviylik va nozik badiiy didiga yuqori baho beradi. Ular, shuningdek, yangi uslub va yo‘nalishlarga muvofiq milliy naqshlarning zamonaviy formalar bilan mos qilib yaratishini tan oladilar.
B.Kunnazarova hunarmandchilik mahsulotlari bilan turli respublika va xalqaro ko‘rgazmalarda, ko‘rik-tanlovlarda hamda savdo-yarmarkalarda muntazam ravishda ishtirok etib sovrinli o‘rinlarni egallab kelmoqda. Bugungi kunga qadar 70 nafarga yaqin shogirdlarga o‘z hunarini puxta o‘rgatgan.
Bibisara Kunazarovani Davlatimizning yuksak mukofoti “Do‘stlik” ordeni bilan samimiy muborakbod etib, hunarmandga kelgusi ish faoliyatida yanada ulkan zafarlar yor bo‘lishiga tilakdoshmiz!
