Joriy yil 18-mart kuni Toshkent shahridagi O‘zbekiston tasviriy san’at galereyasi «Farg‘ona arabeskalari» an’anaviy badiiy hunarmandchilik ko‘rgazmasi o‘tkaziladi.
O‘zbekiston tasviriy san’at galereyasi «Hunarmand» uyushmasi bilan hamkorlikda O‘zbekistonning turli hududlaridagi noyob hunarmandchilikka bag‘ishlangan ko‘rgazmalar turkumini boshlaydi. O‘zbekistondagi har bir hudud o‘ziga xos tabiiy landshaft, etnomadaniy aloqalar tufayli shakllangan o‘z tarixiga, o‘ziga xos hunarmandchilik maktabiga ega.
Ushbu ko‘rgazma Farg‘onaga bag‘ishlangan bo‘lib, unda kulolchilik, to‘quvchilik, yog‘och o‘ymakorligi, zargarlik, badiiy kandakorlik, kashtachilik, gilamdo‘zlik kabi sohalarda aynan Farg‘ona maktabining haqiqiy an’analarini saqlab kelayotgan va davom ettirayotgan hunarmandlarimiz chinakam madaniyat sohiblaridir. Ko‘rgazma Navro‘z bayramiga bag‘ishlangan.
Ko‘rgazmada kulollar Alisher Nazirov, Baxtiyor Nazirov, Ismoiljon Komilov, Mavsum Mamajonov, Muhammadali Tojaliyev, kandakorlar va metallga badiiy ishlov beruvchi ustalar Hasan Umarov, Zokir Gʻafurov, yog‘och o‘ymakorlari Mirzayunus Umarov, Mahamatali Yunusov, Jamshid Madg‘oipov, badiiy to‘quvchi ustalar Rasuljon Mirzaahmedov, Ibrohim Sultonov, kashtachi Nargiza Sherxo‘jayeva va gilamdo‘z usta Ilhom Davletovlarning noyob asarlari namoyish etiladi.
Ushbu ko‘rgazmadan ko‘zlangan maqsad Farg‘ona vodiysi badiiy hunarmandchiligining asl an’analari saqlanib qolganligini ko‘rsatishdir.
Barchangizni ko‘rgazmaga taklif qilamiz