Bugun samarqandlik usta kulol, O‘zbekiston xalq ustasi, urgutlik kulollar sulolasining sakkizinchi avlodi Nu’monjon Ablokulov tavvallud topgan kun!
Usta kulol N.Ablokulov 1964 yil Urgut shahrida usta hunarmandlar oilasida tug‘ilgan.
N.Ablokulov yaratgan betakror sopol buyumlar Yaponiya, AQSH, Fransiya, Gollandiya, Germaniya, Rossiya, va boshqa ko‘plab xorijiy davlatlar ko‘rgazmalarida ishtirok etgan. Amerika, Yevropa va bir qator Osiyo davlatlari muzeylaridan, shaxsiy kolleksiyalardan o‘rin olgan.
“O‘zbektelefilm” ijodkorlari tomonidan usta N.Ablokulov ijodini tarannum etuvchi “urgutlik kulol” hujjatli filmi olingan.
Respublika «Hunarmand» uyushmasi jamoasi nomidan O‘zbekiston Respublikasi xalq ustasi Nu’monjon Ablokulovning muborak yoshga kirganligi munosabati bilan samimiy tabriklab, ustaga sihat-salomatlik, ishlariga rivoj, xonadoniga fayzu baraka tilaymiz!