Uyushma haqida

O’zbekiston Respublikasi “Hunarmand” uyushmasi “Nodavlat notijorat tashkilotlari to’g’risida”gi, “O’zbekiston Respublikasida jamoat birlashmalari to’g’risida”gi qonunlar va nodavlat notijorat tashkilotlarni tartibga soluvchi boshqa qonunlarga, shuningdek O’zbekiston Respublikasi Prezidentining 1997 yil 31 martdagi PF-1741-son Farmoni asosida tashkil etilgan, jismoniy va yuridik shaxslarni ixtiyoriylik asosida o’z safiga birlashtirgan, daromad (foyda) olishni o’z faoliyatining asosiy maqsadi qilib olmagan, daromadlarni o’z a’zolari o’rtasida taqsimlamaydigan, o’zini o’zi boshqaruvchi nodavlat notijorat tashkilot hisoblanadi. Uyushmaning asosiy vazifasi xalq hunarmandchiligi an’analari asosida faoliyat ko’rsatayotgan musavvirlar, san’atshunoslar, xalq ustalari va hunarmandlar faoliyatlarini muvofiqlashtirish, o’zaro hamkorlikni amalga oshirish, ularning huquq va qonuniy manfaatlarini himoya qilish, ijtimoiy, madaniy va ma’rifiy maqsadlarga erishish, ma’naviy va boshqa nomoddiy ehtiyojlarni qondirish, xayriya faoliyatini, shuningdek, boshqa ijtimoiy foydali maqsadlarni amalga oshirishdan iboratdir.