Sirdaryo viloyati, Oqoltin tumanida faoliyat yuritayotgan hunarmand Ergasheva Feruza Abdusalomovna o‘zining boy tajribasini yosh avlodga o‘rgatish orqali milliy hunarmandchilikni yanada rivojlantirishga hissa qo‘shmoqda.
Ustoz-shogird an’anasi asrlar davomida ajdodlarimiz tomonidan saqlanib kelgan va bugungi kunda ham hunarmandchilikning ajralmas qismi bo‘lib qolmoqda. Feruza opa o‘z shogirdlariga nafaqat milliy to‘qimachilik va qo‘l mehnati sir-asrorlarini, balki kasbga bo‘lgan mehr va e’tiborni ham singdirib kelmoqda.
Bu kabi tashabbuslar nafaqat hunarmandchilikni rivojlantirish, balki ayollar bandligini ta’minlash va milliy qadriyatlarimizni asrab-avaylashga xizmat qiladi. Ustozidan saboq olayotgan yoshlar esa o‘z mahoratini yanada oshirib, kelajakda hunarmandchilik an’analarini davom ettiradi.
Milliy hunarmandchilikni targ‘ib etishda fidokorona mehnat qilib kelayotgan Ergasheva Feruza Abdusalomovnaga muvaffaqiyat va bardavom ijod tilaymiz!
