Respublika «Hunarmand» uyushmasi raisi R.Mirzaaxmedov Farg’ona viloyatiga qilgan safari
davomida Marg’ilon shahrida faolyat ko’rsatuvchi tadbirkor Shuxratxon Mallaxonov bilan Toshkent
shahrida tashkil etilayotgan «Hunarmandchilik startaplari va inkubatsiya markazi» faoliyati bo’yicha
suhbatlashdi.
Suhbat davomida tadbirkor Sh.Mallaxanov ipak qog’ozi ishlab chiqarish bo’yicha
start up loyihasini uyushma raisiga tushuntirib berdi. Uyushma raisi R.Mirzaaxmedov yaqin kunlarda «Hunarmand» uyushmasi tomonidan
ishga tushiriladigan yangi startap loyihalar tanlovi e’lon qilinishini tadbirkorga ma’lum qildi.
Tadbirkor esa ushbu tanlovda munosib ishtirok etib, yangi ishlab chiqqan loyihasi tanlovda eng yaxshi loyihalardan biri deya e’tirof etilishi yo’lida astoydil harakat qilishini aytdi.
Uyushma raisi tadbirkorga loyihada e’lon qilinayotgan ekologik talablarni tushuntirib, tadirkorning loyihasi turizm sohasida eng yaxshi suviner mahsulotlar ishlab
chiqarishga, raqobatbardoshligiga mos kelishi mumkinligini ta’kidladi va bu kabi tanlovlarda eng munosib loyihalarni ekspertlar
kengashi tanlab olishini tadbirkorga ma’lum qildi va omad tiladi.