Viloyat hokimi vazifasini bajaruvchi Adiz Boboyev boshchiligidagi viloyat rahbarlari Samarqand shahridagi Alisher Navoiy nomli istirohat bog‘i va shu nomdagi ko‘chada o‘tkazilayotgan Navro‘z saylida qatnashmoqda.
Unda viloyat rahbari aholi, korxona-tashkilot, muassasa xodimlari bilan suhbatlashdi. Bayram ishtirokchilarini tabrikladi.
Hunarmandlar mahsuloti xorijliklarga ma’qul bo‘ldi
Navro‘z bayrami munosabati bilan tashkil etilgan hunarmandlar ko‘rgazmasi ayrim xorijlik mehmonlarni ham e’tiborsiz qoldirmadi.
– Internetda O‘zbekistonda qo‘lda tikiladigan mahsulotlar ko‘pligi haqida o‘qigandim, – deydi ispaniyalik sayyoh. – Shuning uchun bu yerga kelish va bu mahsulotlardan sotib olishga ko‘pdan beri qiziqib kelardim. O‘zim ham Ispaniyada madaniyat sohasida faoliyat yuritaman. Mehnat ta’tiliga chiqib, O‘zbekistonga sayohatga keldim. Samarqand shahri menga juda yoqdi. Ayniqsa, bugungi milliy bayramlaringizda sizlarning quvonchingizga sherik bo‘layotganim va bayramda qatnashayotganimdan xursandman. O‘z yurtimga turli kashta va milliy qo‘g‘irchoq mahsulotlaridan xarid qilib, olib ketaman.
