Qashqadaryo viloyati Gʻuzor tumanidagi hunarmand-tikuvchi Mahliyo Yo‘ldasheva jismoniy imkoniyati cheklangan bo‘lishiga qaramay, yuragida yashashga bo‘lgan yuksak ishtiyoqi bilan har bir daqiqadan unumli foydalanishga intiladi.
U o‘zi qiziqqan tikuvchilik hunarini puxta egalladi, hozirgi kunda izlanuvchan mohir tikuvchi.
O‘zbekiston Respublikasi Prezidenti Shavkat Mirziyoyevning «8-mart – Xalqaro xotin-qizlar kuni munosabati bilan mukofotlash to‘g‘risida»gi Farmoniga asosan “Shuhrat» medali bilan taqdirlanganligi Mahliyonining yuragiga cheksiz quvonch bag‘ishlab, yanada yuksak marralar sari dadil odimlashga chog‘ladi.
Hunarmand bolalar uchun bosh kiyimlari, kattalar va kichiklar uchun mavsumiy kiyimlar, bolalar o‘yinchoqlarini to‘qib o‘z hunaridan zavq oladi.
Shu kunga qadar mahalladagi 70 nafardan ko‘proq qizlar undan hunar sirlarini o‘rganib, tikuvchilik faoliyatlarini olib borishmoqda.
Hozirgi kunda esa hunarmand o‘z xonadonida 10 nafar shogirdlari bilan to‘qish va tikish ishlarini olib boradi.
O‘zi ishiga mehr-muhbbat va matonat bilan yondoshadi. O‘zi tanlagan kasbi orqali aholiga beminnat xizmat ko‘rsatib kelmoqda.
Gʻuzor tumani “Xumdon” mahalla fuqarolar yig‘ini yoshlari o‘rtasida hunarmandchilikni rivojlantirish yuzasidan muntazam sa’y-harakatlar bormoqda.
