Namangan viloyati Pop tumanida xotin-qizlar va oilalarni qo‘llab-quvvatlashga qaratilgan yangi “Hunarmand sanoat markazi” o‘z faoliyatini boshladi.
Tantanali ochilish marosimida viloyat hokimi o‘rinbosari, Oila va xotin-qizlar boshqarmasi boshlig‘i Dinara Yakubova va «Hunarmand» uyushmasi Pop tuman bo‘lim boshlig‘i ishtirok etdi.
Mazkur maskanning tashkil etishdan asosiy maqsad oilalar mustahkamligini ta’minlash, xotin-qizlarning ijtimoiy faolligini oshirish va ularga turli sohalarda ko‘mak berishdan iborat.
Bu yerda “Oila va xotin-qizlar maskani” ayollar va oilalar uchun keng qamrovli xizmatlar tashkil etilgan.
Kashtachilik, milliy liboslar tayyorlash, psixologik maslahatlar, huquqiy yordam, shuningdek, madaniy-ma’rifiy tadbirlar o‘tkazilishi rejalashtirilgan.
“Oila va xotin-qizlar maskani” Pop tumani va unga yaqin hududlarda istiqomat qiluvchi xotin-qizlar uchun muhim tayanch nuqtasiga aylanishi, ularning ijtimoiy himoyasini kuchaytirishda, shaxsiy va kasbiy rivojlanishida katta rol o‘ynashi kutilmoqda.
