Joriy yilning 27-mart kuni Jizzax shahrida milliy liboslar namoyishiga bag‘ishlangan «Milliy fashion shou» o’tkazildi.
Ushbu tadbir viloyat oila va xotin- qizlar boshqarmasi, Yoshlar ishlari agentligi, hamda “Hunarmand” uyushmasi viloyat boshqarmasi tomonidan tashkil etildi.
Tanlov tarzida o’tkazilgan shou yakunida “Hunarmand” uyushmasi a’zolari Muhabbat Ikramova birinchi o’rinni, Dilnoza O’ktamova esa faxrli uchinchi o’rinni egalladi. Shuningdek, 10 nafar hunarmandlarimiz ko’rgazma namoyishida faol ishtiroki uchun sovg’alar bilan taqdirlandi.