Bugun, 24 mart kuni Savdo-sanoat palatasi raisi D.Vaxabov hunarmandlar bilan uchrashuv o‘tkazdi. Uchrashuvda sohani rivojlantirish, mavjud muammolarni hal etish va yangi imkoniyatlarni muhokama qilish masalalari ko‘tarildi.
Hunarmandlar imtiyozli kredit va subsidiyalar ajratish, xomashyo bilan ta’minlash, bozorga chiqish imkoniyatlarini kengaytirish hamda mahsulotlarini eksport qilishdagi muammolar haqida o‘z fikrlarini bildirdi.
Asosiy takliflar:
Soliq tizimida keshbek joriy etish — mazkur chora biznesning legallashuviga xizmat qilishi ta’kidlandi;
Ishlab chiqaruvchilar va hunarmandlarni alohida kategoriya sifatida ajratish;
Erondan keltiriladigan tabiiy bo‘yoq xomashyosini bojxona to‘lovlaridan ozod qilish;
Maktablarda hunarmandchilik bo‘yicha maxsus darslarni joriy etish;
Xalqaro bozorga chiqish uchun moliyaviy ko‘mak berish;
Mahsulotlarni patentlash zarurligi ta’kidlandi va boshqalar.
Uchrashuv yakunida hunarmandlarning takliflari tahlil qilinib, sohani rivojlantirish va qo‘llab-quvvatlashga qaratilgan aniq chora-tadbirlar ishlab chiqilishi belgilandi.