Tailandda xizmat safarida bo‘lib turgan o‘zbekistonlik delegatsiya a’zolari TCDC innovatsion, kreativ markazi faoliyati bilan yaqindan tanishdilar.
Ushbu innovatsion kreativ markaz davlat tashkiloti hisoblanadi. Tailandda uning 4 ta filiali mavjud. Markazda alohida kutubxona bor. Kutubxonada turli yo‘nalishlarga tegishli adabiyotlar mavjud bo‘lib u yerda dizaynerlar faoliyat olib boradi.
Ular Tailanddagi hunarmandlarning mahsulotini zamonaviy dunyoga moslashtiradi, ya’ni biror hunarmand bitta mahsulotni har doim ipakdan tayyorlayotgan bo‘lsa, hozirgi kundagi talab darajasidan kelib chiqib, mahsulotni daraxt po‘stlog‘idan tayyorlashga g‘oya va taklif beradi.
Ushbu kreativ markaz Tailanddagi chekka hududdagi hunarmandlarni birlashtirib, ular ishlab chiqarayotgan mahsulotlarning eksport hajmini ham oshirishga yaqindan ko‘mak beradi.