Buxorolik Davron Toshev nafaqat mamlakatimiz, balki dunyoga tanilgan mohir hunarmandlardan hisoblanadi. U 100 yillar avval yo‘qolib ketgan Buxoro qadimiy ipak qog‘ozini qayta tiklagan.
Usta Davron avvaliga miniatyura san’ati hunarini qunt bilan o‘rganadi. Qadimiy an’analarga bo‘lgan qiziqishi sabab, Buxoro ipak qog‘ozini qayta tikladi. Bugungi kunga kelib, hunarmand o‘zi tashkil etgan “Usta Davron miniatyura markazi”da paxta, tut po‘stlog‘i va ipakdan qog‘oz ishlab chiqarishni yo‘lga qo‘ygan. Ayni paytda markazda 6 nafar usta hunarmand va 20 nafar shogird ijod qilib kelmoqda
Hunarmand o‘z navbatida, farzandlari hamda shogirdlariga ipak qog‘ozining sir-asrorlarini o‘rgatib kelmoqda. Shuningdek, u miniatyura asarlari va bo‘yoqli rasmlarni chizish bo‘yicha hunarmandchilik ijodiy faoliyatini yuritadi..
