O‘zbekiston amaliy san’at va hunarmandchilik tarixi davlat muzeyida Ruminiyaning O‘zbekistondagi elchixonasi hamkorligida tashkil etilgan “Xalqaro Ruminiya bluzkasi kuni”ga bag‘ishlangan madaniy ko‘rgazma o‘z ishini boshladi.
Ko‘rgazma ekspozisiyasi Ruminiya milliy an’analarini o‘zida aks ettiruvchi bluzkalar va zamonaviy liboslardan iborat bo‘lib, ular o‘zbekistonlik mashhur dizayner Marhamat Umarova tomonidan bezatilgan. Liboslarda milliy naqshlar va har ikki xalq madaniy elementlari uyg‘unlashgan holda namoyon bo‘lgan.
Loyiha doirasida Ruminiya va O‘zbekiston xalqlarining boy madaniy merosi, an’anaviy hunarmandchiligi hamda zamonaviy modaga yondashuvlari birlashtirilgan.
Tadbirda, shuningdek, Respublika «Hunarmand» uyushmasi raisi Rasuljon Mirzaaxmedov ishtirok etidi
Ko‘rgazma 2025 yil 2-iyulga qadar faoliyat yuritadi.
