Respublika “Hunarmand” uyushmasi tashabbusi bilan joriy yil 15-mart kuni Toshkent shahridagi “Navro‘z” istirohat bog‘ida “Respublika faxriy hunarmandlari” ko‘rgazma-savdosi o‘tkazildi.
Ko‘rgazma-savdoda zardo‘z Maxfuza Salimova, kulol Abdullo Narzullayev, kashtado‘z Gulnora Odilova, zargar Fasxiddin Dadamuhammedov, xattot Salimjon Badalboyev, qo‘lda gilam to‘quvchi Rosiya Jumanazarova, milliy qo‘g‘irchoq ustasi Mansur Kuryazov kabi 24 nafar faxriy hunarmandlar hamda respublikamizning barcha hududlaridan faxriy hunarmandlar o‘z mahsulotlari bilan ishtirok etdilar.
Bugungi kunda Xalq amaliy san’ati ustalarining milliy katalogi ro‘yxatiga 261 nafar hunarmand kiritilgan, ulardan 81 nafari faxriy hunarmandlardir. Ushbu hunarmandlar «Hunarmand» uyushmasiga a’zolik badalidan ozod qilingan.
