Xizmat safari davomida O‘zbekiston Badiiy Akademiyasi akademigi, Rishton kulolchilik maktabining yettinchi avlod vakili, ustazoda hunarmand Sharofiddin Yusupov, usta-hunarmand Tohirjon Haydarov hamda Furqat tumanida faoliyat ko‘rsatib kelayotgan O‘zbekiston xalq ustasi, yog‘och o‘ymakori Muhammadali Yunusovlarning uy muzey va ustaxonalarida bo‘lib, hunarmandlar bilan suhbatlashdi.
Suhbat davomida “Hunarmandchilik va xalq amaliy san’atini yanada rivojlantirish, amaliy san’at ustalari faoliyatini rag‘batlantirish to‘g‘risida”gi Farmon loyihasining 4-ilovasida nomlari keltirilgan hunarmandlarni davlat tomonidan qo‘llab-quvvatlash maqsadida, ularning uy-muzey, ustaxona, galereya va “Hunarmandchilik markaz”lari uchun to‘lanadigan mulk solig‘i uchun 50 foiz miqdorida imtiyoz qo‘llash nazarda tutilayotganligi haqida so‘z bordi.
