"Hunarmand" uyushmasi > Yangiliklar > Янгиликлар > Видеоконференция ўтказилди

Видеоконференция ўтказилди

Жорий йилнинг 13 июль куни Бутунжаҳон Ҳунармандлар Кенгаши Осиё ва Тинч Океани Минтақаси президенти Гада Хижжави Каддуми, Ўзбекистон Савдо-саноат палатаси раиси Адҳам Икрамов, Ўзбекистон Республикаси “Ҳунарманд” уюшмаси раиси Улуғбек Абдуллаев ва раис ўринбосари Азиз Муртазоевлар иштирокида видеоконференция ўтказилди.

Видеоконференциянинг ўтказишдан асосий мақсад  Бутунжаҳон Ҳунармандлар Кенгаши – Осиё ва Тинч Океани Минтақасининг Бош Ассамблеясини 2020 йилнинг декабрь ойида Тошкент шаҳрида ўтказиш кўзда тутилаётганлигидир. Ассамблеяни ўтказишда 34 та мамлакатдан 80 дан ортиқ делегатлар қатнашади.

Таъкидлаш лозимки, ушбу анжуманда Бутунжаҳон Ҳунармандлар Кенгаши Президенти Рози Гринлиз, ташкилотнинг Осиё ва Тинч Океани Минтақаси Президенти Гада Қаддуми, Бошқарув Кегаши аъзолари  ҳамда аъзо мамлакатлар миллий ташкилотлари иштирок этади.

Бош Ассамблеяда асосий масалалардан бири кейинги 2021-2024 йиллар учун Бутунжаҳон Ҳунармандлар Кенгаши – Осиё ва Тинч Океани Минтақаси Президентлигини Ўзбекистонга олиш бўлиб, ушбу нуфузли тадбир доирасида Ҳалқаро Симпозиум ва ҳунармандлар иштирокида кўргазма ташкил этиш ҳам кўриб чиқилди.

Бундан ташқари мамлакатамизда ҳунармандчиликка берилаётган юксак эътибор ва 2021 йилнинг сентябрь ойида Қўқон шаҳрида ташкил этиладиган 2-чи Халқаро Ҳунармандчилик Фестивалига кўрилаётган таёргарлик ҳақида маълумотлар берилди.

Уюшма Ахборот хизмати