Karmana tumanidagi «Raboti-Malik» karvonsaroyi va o‘sha hududda joylashgan qadimiy sardoba Navoiy viloyatida turistlar eng ko‘p tashrif buyuradigan tarixiy ob’yektlardan biri hisoblanadi.
Qolaversa, ushbu manzil xalqaro ahamiyatga ega M-37 avtomagistrali chetida joylashgani ham turistlarga qator qulayliklar yaratadi.
Hududda hunarmandchilik markazi tashkil etildi. Markazda karmanalik yosh tadbirkor va hunarmandlar tomonidan qo‘lda yasalgan turli suviner buyumlar sotuvi ham yo‘lga qo‘yildi.