Mamlakatimizning chekka hududlarida istiqomat qilayotgan hunarli bo‘lishga ishtiyoqi baland bo‘lgan yoshlarni kasb-hunarga bo‘lgan qizishlaridan kelib chiqqan holda o‘z hayot yo‘llarini topishlari, o‘zlari yoqtirgan hunarni egallashlari uchun shart sharoitlar mavjud. «Hunarmand» uyushmasi To‘rtko‘l tuman bo‘limi tomonidan 1-sektor hududida joylashgan «Sho‘raxon» ovul fuqarolar yig‘inida temir daftarga kiritilgan oilalarning 6 nafari hunarmandchilikka qiziqishi bo‘lgan yoshlar…
Mamlakatimizning chekka hududlarida istiqomat qilayotgan hunarli bo‘lishga ishtiyoqi baland bo‘lgan yoshlarni kasb-hunarga bo‘lgan qizishlaridan kelib chiqqan holda o‘z hayot yo‘llarini topishlari, o‘zlari yoqtirgan hunarni egallashlari uchun shart sharoitlar mavjud.
«Hunarmand» uyushmasi To‘rtko‘l tuman bo‘limi tomonidan 1-sektor hududida joylashgan «Sho‘raxon» ovul fuqarolar yig‘inida temir daftarga kiritilgan oilalarning 6 nafari hunarmandchilikka qiziqishi bo‘lgan yoshlar aniqlandi va ular «Hunarmand» uyushmasi tuman bo‘limi a’zosi, metall temir darvoza va eshiklar ustasi Bahrom Seitovga shogirdlikka biriktirildi.
To‘rtko‘l tumanining «Sho‘raxon» ovulida tug‘ilgan Bahrom temirchilikka qiziqqani bois 2016 yilda temir darvoza va eshik yasaydigan hunarmand ustaga shogirdlikka tushdi. Bir yarim yilda ushbu hunarni mukammal o‘rganib, ustozidan oq fotiha olib, o‘zi mustaqil ish boshladi. Bugun ushbu hunarmandning shogirdlari soni yana 6 nafarga ko‘paydi. Chunki, bugun ovuldagi hunarga qiziquvchi ehtiyojmand oila farzandlari ustaning hunarini o‘rganishga bel bog‘ladi.
– Mustaqil tarzda ish boshlaganimda qo‘limda faqat bir dona payvandlash uskunasi bor edi xolos. Bugungi kunda 3ta yangi ish o‘rni yaratib, oyiga 25-30 ta eshik, 3-4 ta darvoza tayyorlamoqdamiz. Ikki nafar shogirdlarimiz ustozlikka chiqish arafasida. Bugun kelgan yoshlarga ham o‘z hunarimni o‘rgatib, ularning ham oilasiga foydasi tegadigan hunarli inson qatoriga qo‘shishga o‘z ulushimni qo‘shayotganimdan hursandman, dedi hunarmand usta.
– Yoshlar hunar egallab, hayotda o‘z o‘rnini topib, oilalarining moddiy ta’minotiga ozgina hissa qo‘shishsa-biz o‘z maqsadimizga erishgan bo‘lardik.
Uyushma Axborot xizmati