Турист билан бир кун кўрсатуви бугун Фарғонада

Халқ амалий санъати, миллий ҳунармандлик анъаналарини асраб-авайлаш ва ривожлантириш, уста-ҳунармандларнинг меҳнатини муносиб рағбатлантиришга алоҳида эътибор қаратилмоқда.

     Бундай рағбат ҳунармандларни руҳлантириб, ўз йўналиши бўйича янада кўпроқ меҳнат қилишга ҳамда янги ижодий муваффақиятлар сари ундамоқда. Маълумки, Марғилоннинг атласу адраслари, Риштоннинг кулолчилик маҳсулотлари дунёда довруғ қозонган. Бугунги кунда туризмни ривожлантириш орқали ана шу миллий ҳунармандлигимизни тарғиб этиш, хорижлик сайёҳларни улар билан яқиндан таништириш ҳам муҳим аҳамиятга эга.

     “Ҳунарманд” уюшмаси аъзоси, таниқли ҳунарманд Тоҳиржон Ҳайдаров томонидан 2017 йил 27 августда Жалаер қишлоғида кулолчилик устахонаси ва уй-музейи ташкил этилгани ана шу саъй-ҳаракатларнинг мантиқий давоми бўлди.

                                                                                                                                                                  Уюшма Ахборот хизмати